9000-metra áskorun

9000-metra áskorunin 2011 er röð af áhugaverðum fjallgöngum með ögrandi lokatakmark. Æfingagöngurnar veita góða þjálfun og undirbúning fyrir stóru göngu vorsins. Gengið verður annað hvert þriðjudagskvöld og annan hvern laugardag. Nú er hægt að velja á milli Hvannadalshnúks og Hrútsfjallstinda sem lokatakmarks. 

+ Dagskrá

---

Dags.	Vikudagur	Dagskrárliður	Hæðarhækkun
18. janúar	Þriðjudagur	Opinn kynningarfundur. Grand Hótel kl. 20	---
22. janúar	Laugardagur	Þríhnúkar	240m.
01. febrúar	Þriðjudagur	Helgafell ofan Hafnarfjarðar	268m.
05. febrúar	Laugardagur	Keilir	268m.
15. febrúar	Þriðjudagur	Helgafell í Mosfellssveit	155m.
19. febrúar	Laugardagur	Kerhólakambur	790m.
01. mars	Þriðjudagur	Reykjafell í Mosfellssveit	160m.
05. mars	Laugardagur	Hengill	475m.
15. mars	Þriðjudagur	Stóri-Meitill	264m
19. mars	Laugardagur	Ármannsfell	604m.
29. mars	Þriðjudagur	Fræðslukvöld	---
02. apríl	Laugardagur	Hvalfell	792m.
12. apríl	Þiðjudagur	Geitafell	299m.
16. apríl	Laugardagur	Skarðsheiði	973m.
26. apríl	Þriðjudagur	Dýjadalshnúkur	680m.
30. apríl	Laugardagur	Hátindur - Laufaskörð	809m
10. maí	Þriðjudagur	Brekkukambur	606m.
24. maí	Þriðjudagur	Esjan upp að Steini - Tímamæling	580m.
30. maí	Mánudagur	Undirbúningsfundur	---
2-5. júní	Fim.-sun.	Hvannadalshnúkur/Hrútfjallstindar	2000m
		Heildarhækkun	9.963 m

 

---

Verð: kr.45.000*

Hámarksfjöldi: 84

Lágmarksfjöldi: 40

Ekki er hægt að kaupa einstakar ferðir eða æfingagöngur án lokatakmarks.

Nánari upplýsingar
Æfingaferðirnar eru hannaðar til að veita þátttakendum þjálfun til að takast á við hæstu tinda landsins. Fyrstu göngurnar eru auðveldar en þegar líður nær vori verða þær meira krefjandi. Þriðjudagsgöngurnar munu hefjast kl. 18:00 og laugardagsgöngurnar kl. 10:00. Allar ferðirnar eru dagsferðir og hittast þátttakendur við upphafsstað göngunnar á þriðjudögum. Á laugardögum verður í boði að hittast á höfuðborgarsvæðinu á fyrirfram ákveðnum stað og sameinast í bíla. Nánari upplýsingar verða sendar í tölvupósti. Ef verðurspá er óhagstæð og betra veðri spáð daginn eftir mun ferðum í einhverjum tilvikum vera frestað um einn dag. Þannig getur þriðjudagsganga orðið miðvikudagsganga og laugardagsganga orðið sunnudagsganga. Einnig kann í einhverjum tilvikum að vera nauðsynlegt að gera aðrar breytingar á dagskránni svo sem að ganga á annað fjall en upphaflega var áætlað. Tilkynningar verða sendar til þátttakenda í síðasta lagi kl. 12 daginn fyrir göngu og þurfa því þátttakendur ávallt að fylgjast með tölvupósti sínum.

Gangan á Hvannadalshnúk og Hrútsfjallstinda verður 2. til 5. júní 2011 og verður lokaákvörðun tekin út frá veðurspá. Þátttakendur þurfa því að gera ráð fyrir að taka sér frí frá vinnu föstudaginn 3. júní. Endanleg ákvörðun um brottfarartíma verður tekin kl. 12 á miðvikudeginum 1. júní og tilkynning send í tölvupósti. Þátttakendur sjá sjálfir um að koma sér austur í Öræfi á einkabílum. Bókun gistingar er einnig í höndum hvers og eins. Gengin verður Sandfellsleið. Hæðarhækkunin er um 2000 metrar og má gera ráð fyrir að uppgangan taki um 9 tíma en heildargöngutími upp og niður verði um 14 tímar.

Ítarlegan búnaðarlista má finna hér.

Öryggismál, tryggingar og skilmálar
Mikil áhersla er lögð á að tryggja hámarks öryggi í ferðinni. Farið verður yfir öryggismál á undirbúningsfundi og við upphaf ferðar. Mikilvægt er að þátttakendur taki vel eftir þessum atriðum og fari eftir leiðbeiningum fararstjóra. Fjallgöngur fela ávallt í sér áhættu og eru þátttakendur á eigin ábyrgð í ferðinni. Þátttakendur eru ekki tryggðir í ferðum með Fjallafélaginu og eru hvattir til að snúa sér til tryggingafélags síns og kaupa þar viðeigandi tryggingar. Skilmálar Fjallafélagsins eru aðgengilegir hér. Þátttökugjald verður ekki endurgreitt eftir að æfingaferðir hefjast 22. janúar.