Fréttir og tilkynningar

+ Fréttir

Tíu tinda áskorun 2012

Við hefjum starf Fjallafélagsins af krafti á nýju ári með nýrri tíu tinda áskorun með Haraldi Erni Ólafssyni. Gengið verður á tvo tinda í mánuði frá febrúar fram í júní. Þá verða í boði ferðir Hvannadalshnúk og Hrútsfjallstinda.

Syđsta-Súla

Fjallafélagið gekk á Syðstu-Súlu í frábæru veðri. Þetta var síðasti áfanginn í 7 tinda röðinni. Við þökkum fyrir samveruna og frábæran félagsskap. Myndir úr ferðinni eru komnar á myndasíður.

Gangan á fimmtudag

9000 metra áskorunin stefnir á Hnúkinn og Hrútsfjallstinda. Farið verður austur í Öræfi á morgun, miðvikudag, og gengið á tindana á fimmtudaginn.

Hátindur-Laufskörđ

Myndir úr göngu Fjallafélagsins á Hátind (909m) og um Laufskörð eru komnar á myndasíður.

Dýjadalshnúkur

Fjallafélagar gengu á Dýjadalshnúk á þriðjudagskvöldi. Kjalarneshviðurnar gengu yfir hnúkinn eins og orustuþotur en við létum það ekki á okkur fá. Myndir eru komnar á myndasíður.

Skarđshyrna í vetrarham

Fjallafélagar áttu frábæran dag á Skarðsheiðinni. Gengið var á Skarðshyrnu (923m) og veitti ekki af broddum öxum og línum í glímu við ísaðar brekkurnar. Myndir eru komnar á myndasíður.

Fjallageitur á Geitafelli

Tindilfættir fjallafélagar trítluðu á Geitafell á þriðjudagskvöldi. Myndir eru komnar á myndasíður.

Hvalfell í vorblíđu

Fjallafélagar áttu frábæran dag í vorblíðunni á Hvalfelli. Myndir úr göngunni eru komnar á myndasíður.

Hvalfell á laugardag

Fjallafélagar í 9000 metra áskorun takast á við Hvalfell á laugardag. Þetta er einstaklega flott ganga sem má búast við að taki um 6 tíma.

Frćđslukvöld

Fræðslukvöld í 9000 metra áskorun verður þriðjudaginn 29. mars kl. 20 í sal Ferðafélags Íslands.

Stóri-Meitill

Stóri-Meitill var viðfangsefni 9 þúsund metra áskorenda í gærkvöld þegar 8. æfingaferðin var farin. Stóri-Meitill lét mannskapinn hafa ærið fyrir sér og gaf sig ekki fyrr en í fulla hnefana.

Stóri-Meitill á miđvikudag

Veðurspáin er slæm fyrir þriðjudagskvöldið. 9000-metra kempur ætla því að ganga á Stóra-Meitil á miðvikudaginn.

Snćfellsjökull

7 Tindafarar áttu frábæran dag á Snæfellsjökli á laugardaginn. Það var sól og blíða til að byrja með en á toppnum var kominn góður vindstrekkingur. Myndir eru komnar á myndasíður. 

Esjuganga í fimbulkulda

Það var kalt á Esjunni í dag. Það var tekið vel á því og gönguhraðinn meiri en í fyrri göngum. Þetta var hörku ganga og stóð allir sig frábærlega. Myndir úr ferðinni eru komnar á myndasíður.

Esjuganga í dag

Það verður gaman að ösla í gegnum lausamjöllina á Esjunni í dag.

Esjuganga á morgun

Við minnum 9000 metra fjallafélaga á Esjugönguna á morgun. Það er útlit fyrir gott gönguveður. Það er óþarfi að hafa áhyggur af kulda, enda hitnar manni vel á göngunni. Það er samt um að gera að mæta vel klæddur.

Vond spá fyrir laugardag

Ekkert fjallaveður á laugardag. Gera þarf breytingar á fyrirhugaðri Hengilsgöngu. Póstur verður sendur út.......

Reykjafell

Gangan á Reykjafell gekk glimrandi vel. Veðrið var fínt og allir í rólegum gír. Myndir eru komnar á myndasíður. Næst er það Hengill sem bíður okkar.

Reykjafelli frestađ

Annað kvöld er spáð mikilli rigningu og nokkrum vindi. Mun betra veðri er spáð á miðvikudagskvöldið. Við höfum því ákveðið að fresta göngunni. Póstur hefur verið sendur út.
 

Hvasst á Kerhólakambi

Það gustaði hressilega um fjallafélaga þegar ráðist var til atlögu við Kerhólakamb. Það var sannkallaður stormur og á köflum ekki stætt. Áfram var samt barist upp á móts við kambinn. Í 650 metra hæð var þó á kveðið að láta gott heita og haldið aftur niður. 

Kerhólakambur á morgun

Kerhólakambur er verkefni morgundagsins. Pósturinn er farinn út. Það verður nokkur vindstrekkingur á morgun þannig að það er um að gera að mæta í góðum skjólfatnaði. Undir leiðarlýsingar á síðunni okkar má finna upplýsingar um Kerhólakamb.

Helgafell í Mosfellssveit

Gangan á Helgafell í Mosfellssveit heppnaðist frábærlega. Við fengum æðislegt útsýni yfir Mosfellsbæ, Sundin og Esjuna. Vindurinn á toppnum tók vel í mannskapinn en það var bara hressandi. Kíkið endilega á myndirnar á myndasíðum.

Helgafell í Mosó á morgun

Það lítur út fyrir flott fjallaveður á morgun þegar 9000 metra farar skunda á Helgafell í Mosfellssveit. Munið eftir höfuðljósunum og góðum skjólfatnaði. Það má búast við einhverjum hressandi norðanvindi.

Góđur dagur á Keili

Gangan á Keili í dag tókst einstaklega vel. Það hafði snjóað mikið síðasta sólarhring og skafið nokkuð þannig að óljóst var hvort við kæmumst að fjallinu. Fjallafélagar voru vel búnir og fóru létt með að bruna í gegnum skaflana á Höskuldarvelli. 

Myndir frá Ţríhnúkaferđ

Á myndasíðuna eru komnar inn myndir frá ferðinni á laugardag.

Einnig er hægt að fara beint á myndasíðuna með að smella hér.

Kynningarfundur 18. janúar

Kynningarfundur fyrir 9000 metra áskorun verður þriðjudaginn 18. janúar kl. 20 á Grand Hótel. Við hvetjum alla áhugasama til að mæta og fræðast um dagskrá Fjallafélagsins í vetur. Fyrsta gangan verður svo laugardaginn 22. janúar og förum við þá á Þríhnúka. 

9000-metra áskorun 2011

Það verða margar spennandi fjallgöngur á dagskrá hjá okkur eftir áramótin. Nú er komin út dagskrá fyrir 9000-metra áskorunina. Fyrsta gangan verður 22. janúar og verður síðan gengið vikulega fram að lokatakmarkinu. Nú er hægt að velja um að enda dagskránna með göngu á Hvannadalshnúk eða Hrútsfjallstinda.

Takmarkinu náđ!

Snemma í morgun náði Børge Ousland ströndum Noregs og því takmarki að sigla í kring um Norðurpólinn á einu sumri. Leiðangurinn var 11 daga að sigla yfir Norður-Atlantshafið en sökum óhagstæðra vinda var ekki komið við á Íslandi eins og upphaflega var áætlað.

Umhverfis norđurheimskautiđ

Nú stendur yfir æsispennandi leiðangur Norðmannanna Børge Ousland og Thorleif Thorleifsson en þeir eru að reyna að sigla á lítilli skútu umhverfis heiminn og ekki auðveldustu leið.

Kilimanjaro, hvenćr á ađ fara?

Kilimanjaro (5.895m.) hefur fengið mikla athygli að undanförnu meðal íslensks fjallafólks. Ég hef farið þrisvar á þetta hæsta fjall Afríku og eru það meðal bestu fjallaferða sem ég hef farið.  Þar sem fjallið er nálægt miðbaug er hægt að fara á það á öllum árstímum.

Hrútsfjallstindar

Fjallafélagið fór eftirminnilega ferð á Hrútsfjallstinda um síðustu helgi. Lagt var af stað stuttu eftir miðnætti. Það er alltaf sérstök upplifun að ganga á nóttunni. Minniháttar þoka var mætti okkur í upphafi en síðan tók við stórkostlegt útsýni til allra átta. Myndir úr ferðinni eru á myndasíðum.

Myndir frá síđustu helgi

Ferðin á Hnúkinn um helgina var í einu orði sagt frábær. Við fengum glampandi sól og logn á toppnum. Myndirnar á myndasíðum segja allt sem segja þarf um þennan einstaka dag. Lífið verður ekki betra.

Hnúkurinn um helgina

Fjallafélagið verður með ferð á Hvannadalshnúk um helgina. Skráðir þátttakendur mæta í Sandfell stundvíslega klukkan 3 í nótt (aðfararnótt laugardagsins 29. maí) og verður lagt af stað í gönguna um kl. 3:30. Það er útlit fyrir mjög gott gönguveður samkvæmt veðurspám.

Draumaferđ á Hnúkinn

Við þökkum fyrir einstaklega vel heppnaða ferð á Hnúkinn um helgina. Við hefðum ekki getað fengið betra veður og göngufæri. Allir komust á toppinn og við getum verið stolt af þessum árangri. Myndir eru komnar á myndasíður hér á síðunni.

Lagt á Hnúkinn

Nú er loksins komið að stóru stundinni. Veðurútlitið fyrir gönguna á Hvannadalshnúk er mjög gott. Eftir að hafa rætt við tvo veðurfræðinga hefur verið ákveðið að leggja af stað í gönguna frá Sandfelli kl. eitt í nótt (aðfararnótt laugardags). Við getum þá reiknað með að vera á hæsta tindi landsins um kl. 10 á morgun.

Hnúksferđ frestađ

Veðurspáin er því miður ekki nægjanlega góð fyrir helgina. Samkvæmt henni má gera ráð fyrir yfir 12 m/s og blindu á Öræfajökli. Við höfum því ákveðið að fresta ferðinni á Hvannadalshnúk um viku í von um að þá fáum við óska veðrið okkar. Þeir sem ekki komast næstu helgi eiga þess kost að fara í ferð 29. maí en þurfa að láta okkur vita með tölvupósti.

Myndir frá Ţverártindsegg

Þverártindsegg einn glæsilegasti tindur landsins. Leiðin á hann er mjög brött og aðeins fyrir þá sem hafa góða reynslu af fjallgöngum. Fjallafélagið fór með tvo hópa á eggina 1. maí, samtals 31 manns. Hægt er að sjá myndir úr frá þessum frábæra degi á myndasíðum.

Myndir af Móskarđshnúkum

Á þriðjudagskvöldið síðasta var síðasta æfingagangan í 9000 metra áskorun Fjallafélagsins. Gengið var á Móskarðshnúka í mildu veðri. Myndir frá ferðinni eru á myndasíðum. Við þökkum fyrir samveruna í vetur.

Móskarđshnúkar

Í dag fer Fjallafélagið á Móskarðshnúka og er það síðasta æfingagangan í 9000 metra áskoruninni. Gangan hefst eins og áður klukkan 18:00. Leiðbeiningar um akstursleiðina er að finna hér á síðunni undir leiðarlýsingum. Tíminn flýgur og nú eru aðeins 12 dagar í ferðina á Hvannadalshnúk.

Myndir frá Vífilsfelli

Myndir frá göngunni á Vífilsfell 20. apríl eru nú komnar á myndasíður. Gangan var eftirminnileg og þá sérstaklega ferðin niður af fjallinu en þá voru klettarnir orðnir flughálir.

Hafnarfjall

Fjallafélagið fór á Hafnarfjall síðustu helgi í aldeilis frábæru veðri. Þetta er virkilega skemmtileg gönguleið með flottu útsýni. Efst á fjallinu er gengið upp á Gildalshnúk og var brekkan þar nokkuð brött og bættist nokkur hálka ofaná. Allt hafðist þetta með aðgætni og þolinmæði og skiluðu allir sér á toppinn. Þar veður hið besta og við blasti glæsilegt útsýni. Myndir úr ferðinni er á myndasíðum.

Esjan upp ađ Steini

Gangan á Esjuna á laugardaginn var farin þrátt fyrir SA rok og rigningu. Ekki var gengið yfir Esjuna eins og áformað var heldur látið duga að fara upp að Steini. Þeir 66 fjallafélagar sem höfðu sig upp í Esjuhlíðar uppskáru góða æfingu og útiveru. Hinir sem heima sátu geta skroppið í Esjuna þegar veður er betra og bætt upp fyrir tapað hæðarmetra. Nánari umfjöllun má finna á myndasíðum.

Stóra-Kóngsfell í veđurblíđu

Gengið var á Eldborg, Drottningu og Stóra-Kóngsfell í veðurblíðunni miðvikudagskvöldið 7. apríl. Alls náðust um 400 hæðarmetrar í hús sem var umfram áætlun enda var gengið tvisvar á Drottningu og Eldborg. Umfjöllun um ferðina og myndir er að finna á myndasíðum.

Stóra-Kóngsfelli frestađ

Á morgun, þriðjudag, er spáð stormi til fjalla og snjókomu. Fyrirhugaðri göngu þátttakenda í 9000-metra áskorun á Stóra-Kóngsfell er því frestað til miðvikudags. Þá er útlit fyrir mjög gott gönguveður. Gangan hefst á venjulegum tíma eins og nánar kemur fram í tölvupósti til þátttakenda.

Gleđilega páska

Við óskum öllum Fjallafélögum gleðilegra páska og þökkum fyrir góðar stundir á fjöllum í vetur. Vonandi komast sem flestir í gönguferðir um hátíðina. Nú tekur við einn besti útivistartími ársins með ótal tækifærum.

Brottför kl. 12:40

Nú er búið að opna veginn inn í Þórsmörk. Brottför verður því nú klukkan 12:40 frá Olís stöðinni við Rauðavatn. Við minnum þátttakendur á að taka  með sér höfuðljós eða vasaljós.

Bannað er að fara um Heljarkamb og verður því gengið upp á Morinsheiðina en þaðan má búast við glæsilegu útsýni í ljósaskiptunum yfir nýju sprunguna og hraunfossana niður bæði gilin.

Lokaákvörđun kl. 12

Samkvæmt upplýsingum frá lögreglu verður ákvörðun um hugsanlega opnun Þórsmerkur tekin á fundi sem hefst klukkan 11. Búist er við tilkynningu fyrir klukkan 12. Ef ákveðið verður að opna verður lagt af stað klukkan 12:30 í ferðina að gosinu. Áætluð koma til Reykjavíkur er á miðnætti.

Samkvæmt vísindamönnum þá er ekki sjáanleg nein aukning á gosinu og virðist því aðeins vera um yfirborðsbreytingu að ræða. Flogið var yfir gosið í morgun og er ljóst að það er enn tilkomumeira að sjá eftir að nýja sprungan opnaðist. Ef af ferðinni verður munum við ná að sjá gosið í ljósaskiptunum og verður það mikið sjónarspil. Áhugavert viðtal var við Ómar Ragnarsson við gosið í fréttum RÚV klukkan 9 í morgun. Hægt er að fylgjast með gosinu á vefmyndavél á síðunni www.mila.is.

Fylgist með heimasíðunni klukkan 12 og fréttum af niðurstöðu almannavarnafundar. Þátttakendur verða að hafa með sér höfuðljós eða vasaljós.

Athugun klukkan 10

Þórsmörk er enn lokuð en kannað verður með opnun þegar nær dregur hádegi. Næsta athugun er klukkan 10 og verður þá vonandi hægt að leggja af stað í ferðina klukkan 11. Fylgist með heimasíðunni þá. Þeir sem eiga höfuðljós eða önnur hentug ljós fyrir gönguferðir ættu að taka þau til og bæta við farangurinn.

Gosganga: Athugun klukkan 7

Búið er að loka Þórsmörk vegna breytinga í gosinu. Tilkynnt verður klukkan sjö í fyrramálið hér á heimasíðunni hvort lagt verður af stað í gönguna að gosinu eins og fyrirhugað var. Vinsamlegast fylgist með heimasíðunni þá.

Gönguferđ ađ gosinu á Skírdag

Á skírdag, fimmtudaginn 1. apríl, verður Fjallafélagið með gönguferð að gosstöðvunum á Fimmvörðuhálsi. Stefnt er að því að ganga úr Þórsmörk en það er þó háð því að leyfi fáist til þess að fara inn í Mörk og vegurinn verði fær rútum.

Belgingur á Skarđsheiđi

Fjallafélagar gengu á Skarðsheiði í gær. Þegar komið var í efri hlíðar fjallsins mætti okkur hvöss norðaustanátt auk þess sem snjór var glerharður og flugháll. Tindur Heiðarhornsins varð því að bíða og við urðum því að láta tæpa 700 metra duga að þessu sinni. Myndir úr ferðinni eru á myndasíðum.

Ferđ á gosstöđvarnar í dag

Fór að gosstöðvunum á Fimmvörðuhálsi í dag. Það var ótrúleg upplifun að standa í 400 metra fjarlægð frá eldgosi og upplifa þá miklu krafta sem þarna voru að verki. Ég var í hópi frá Ferðafélagi Íslands sem fékk að fara inn í Þórsmörk til að kanna áhrif umbortanna á svæðið.

Haraldur Örn yfir Vatnajökul

Þessa dagana er Haraldur Örn í skíðaleiðangri yfir Vatnajökul. Með honum í för er 2 þekktir pólfarar, þeir Börge Ousland og Erling Kagge. Leiðin sem þeir félagar fara liggur frá Jökulheimum við vestanverðann jökulinn og að Snæfelli í Lónsöræfum. Er hún um 150 km og er lengsta leið yfir Vatnajökul.

Hægt er að fylgjast með ferðalagi þeirra hér.

Nýtt: Ferðasaga og myndir eru undir  myndasíðum.

Myndir frá Vestursúlu

Sjöunda æfingaferð Fjallafélagsins á Botnssúlur markaði mikil tímamót í undirbúningsferlinu í 9 þúsund metra áskoruninni með því að klifið var í fyrsta sinn fjall hærra en 1000 m og voru þó nokkrir í hópnum sem slógu persónulegt hæðarmet í leiðinni. Myndir eru komnar á myndasíðu.

Nýjar myndir frá Grímannsfelli

Við áttum fína göngu á Grímannsfell í dag og mættu alls 128 til leiks. Nokkur þoka var efst í fjallinu og arka þurfti yfir mikla drullu en það stoppaði okkur ekki í að ná toppnum og landa 340 metrum í hús. Umfjöllun um ferðina og myndir eru á myndasíðum.

Upphitun og teygjur

Upphitun og teygjur er eitthvað sem oft vill gleymast í fjallgöngum. Eins og í annarri hreyfingu er þetta mikilvægir þættir í því að fyrirbyggja meiðsli og eymsli í líkamanum. Við fengum því Unni Sædísi sem tekur þátt í 9000 metra áskorun Fjallafélagsins til að taka saman tillögur að upphitunar- og teygjuæfingum.

Ganga dagsins

Til stóð að ganga í Reykjadal laugardaginn 27. febrúar. Í Hveragerði tók hríðarbylur á móti gönguhópnum og var því afráðið að láta fjöllin bíða að sinni og ganga þess í stað um Hveragerði og nágrenni. Frásögn af ferðinni og myndir er að finna á myndasíðum.

Helgafell í nöprum norđanvindi

Fjallafélagið fór kvöldgöngu á Helgafell ofan Hafnarfjarðar þriðjudagskvöldið 23. febrúar. Það var napur norðanvindur sem mætti Fjallafélögum í 9000 metra áskoruninni. Nú eru rúmlega 1.500 metrar að baki. Næst tekur við ganga í Reykjadal frá Hveragerði. Myndir og nánari lýsing af göngunni á Helgafell er á myndasíðum.

Myndir frá Akrafjalli

Það var milt veður en nokkur þokusúld þegar Fjallafélagar tóku sig til fyrir göngu á Akrafjall laugardaginn 13. febrúar. Alls voru 133 göngugarpar mættir og var ákveðið að gengið skyldi á Háahnúk en þá er gengið upp syðri hrygg fjallsins. Þetta var þriðja gangan í 9000 metra áskoruninni og heppnaðist vel í alla staði. Nánari lýsingu má finna á myndasíðum.

Hressandi ganga á Úlfarsfell

Þriðjudaginn 9. febrúar fór Fjallafélagið í hressandi kvöldgöngu á Úlfarsfell. Þarna var á ferð yfir 100 manna hópur 9000 metra fara. Veður var einstaklega milt og gott. Arkað var af stað í gegnum skógræktina og upp fjallið. Fljótt sótti rökkrið á og tími til kominn að taka höfuðljósin í gagnið. Ferðin gekk vel í alla staði og má sjá myndir úr ferðinni á myndasíðum. Nú eru 775 metrar að baki. Næsta laugardag er svo komið að Akrafjallinu.

Frábćr ferđ á Esjuna

Fyrsta gangan í 9000-metra áskoruninni var farin í dag 30. janúar. Gengið var á Esjuna frá Mógilsá og upp að Steini undir Þverfellshorni. Mæting var á bílastæðið við Mógilsá kl. 10 og eftir stutt spjall var lagt af stað. Esjan skartaði sínu fegursta með léttu snjóföli í efri hlíðum. Umfjöllun um ferðina, myndir og tengil á GPS slóða ferðarinnar er að finna á myndasíðum.

Fyrsta 9000m gangan á morgun

Á morgun laugardaginn 30. janúar er fyrsta gangan í 9000-metra áskoruninni. Mæting er á bílastæðinu við Mógilsá kl. 10. Þetta er hin hefðbundna gönguleið á Esjuna og verður gengið upp að Steini. Gengnir verða fyrstu 580 metrarnir af rúmlega 9.000. Þeir sem enn eiga eftir að skrá sig geta fengið allar upplýsingar hér. Við hlökkum til að sjá ykkur öll. Það verður flott að fá góða útrás fyrir landsleikinn í handbolta sem hefst kl. 13.

Velheppnađur kynningarfundur

Frábær mæting var á velheppnaðan kynningarfund Fjallafélagsins og Símans á 9000-metra áskorun. Nú styttist í fyrstu gönguna sem verður á laugardaginn næsta, 30. janúar. Allar upplýsingar um dagskránna og skráningu er að finna hér. Skráningarfrestur er fram að fyrstu göngunni.

Kynningarfundur í dag

Í dag þriðjudag verður kynningarfundur á 9000-metra áksorun Fjallafélagsins og Símans. Fundurinn verður á Grand Hótel og hefst kl. 20. Allir áhugasamir eru hvattir til að mæta og kynna sér dagskrána. Samtals eru fjallgöngurnar 14 og er hæðarhækkunin samtals yfir 9000-metrar. Æfingagöngurnar munu veita þátttakendum góðan grunn fyrir átökin við Hvannadalshnúk.

Heilsufarsráđgjöf

Fjallafélagið er í samstarfi við Gunnar Guðmundsson lækni um heilsuráðgjöf. Gunnar er sérfræðingum í lungnalækningum og þrautreyndur fjallamaður. Hann tekur að sér heilsufarsráðgjöf fyrir þá sem hyggja á fjallgöngur en óska eftir frekari upplýsingum um heilsufar sitt. Hann er með læknastofu í Læknasetrinu Þönglabakka 6 og sími þar er 535-7700. Tilvalið er fyrir þá sem eru óöruggir um líkamsástand sitt en vilja vera í fjallgöngum að fara í lækniskoðun og frekari rannsóknir ef þörf er talin á. Hann veitir einnig þeim sem hyggja á háfjallagöngur ráð varðandi aðlögun og lyfjameðferð.

Fjallafélagiđ notar Canon EOS

Fjallafélagið hefur gert samning við Sense, dreifingaraðila Canon neytendavara á Íslandi, sem felur í sér að Fjallafélagið mun nota Canon EOS 5D Mark II til að taka ljósmyndir í ferðum sínum. ,,Eitt af markmiðum Fjallafélagsins er að miðla hágæða myndefni til almennings frá íslenskum og erlendum fjöllum og fögnum við samstarfinu við Sense enda mun áhugafólk um útivist og fjallaferðir njóta afrakstursins,“ segir Haraldur Örn Ólafsson, stofnandi Fjallafélagsins.
 

Kynningarfundur á ţriđjudag

Nú styttist í kynningarfundinn á 9000-metra áskoruninni á þriðjudaginn næsta, 26. janúar kl. 20 á Grand Hótel. Reglulegar fjallgöngur verða í vetur og endar verkefnið með göngu á Hvannadalshnúk. Farastjóri í æfingagöngunum og Hnúksferðinni verður Haraldur Örn Ólafsson auk einvala liðs af vönum fjallamönnum.

Haraldur Örn á Rás 2

Haraldur Örn var í viðtali á Rás 2 í morgun um þá miklu vakningu sem hefur átt sér stað í útivist. Sérstaklega er ánægjulegt hversu margir eru farnir að stunda fjallgöngur allan ársins hring sem valkost við aðra líkamsrækt. Við Íslendingar búum við þau forréttindi að eiga stutt að sækja í einstaka náttúru. Frá höfuðborgarsvæðinu er í mesta lagi hálftíma akstur upp í Esju. Það er engin ástæða til að njóta þessara gæða aðeins yfir sumarið.

Hnúkur eđa Hnjúkur

Hvannadalshnúkur eða Hvannadalshnjúkur, hver er munurinn? Jú það er þetta eina joð sem skilur á milli. Hvort er þá rétt stafsetning? Venja er að skrifa Hvannadalshnúkur án joðsins en það er ekki hægt að segja að það sé beinlínis rangt að hafa það með. Staðreyndin er sú að það fer eftir landshlutum hvort menn skrifa hnúkur eða hnjúkur.

Frábćrar móttökur

Það er óhætt að segja að Fjallafélagið hafi fengið frábærar móttökur. Yfir 5000 heimsóknir voru á vefsvæði 9000-metra áskorunarinnar á fyrstu þremur dögunum og þegar eru margir búnir að skrá sig. Þetta er mjög ánægjulegt og ber vitni um þá miklu vakningu sem er að eiga sér stað í útivist og fjallgöngum. Í áskoruninni verður gott tækifæri fyrir göngufólk að kynnast og mynda samheildinn hóp áður en kemur að stóru göngunni á Hnúkinn.

Fjallafélagiđ tekur til starfa

Fjallafélagið er nú að hefja sitt fyrsta starfsár. Markmið félagsins er að bjóða upp á vandaðar og umfram allt skemmtilegar ferðir á fjöll hér á landi og erlendis. Fyrst í stað verður aðaláherslan á hæstu tinda á Íslandi, Hvannadalshnúk, Hrútsfjallstinda og Þverártindsegg. Með tímanum mun starfsemin verða útvíkkuð og er m.a. stefnt á fjallgöngur erlendis, t.d. á fjöll á borð við Mt. Blanc og Kilimanjaro. Stofnandi félagsins er Haraldur Örn Ólafsson sem er með yfir 20 ára reynslu af fjallamennsku og heimskautaferðum og er starfandi lögfræðingur.

Fjallafélagiđ og Síminn

Fjallafélagið hefur gert samning við Símannn um samstarf sem felst meðal annars í að fréttum af göngum Fjallafélagsins verður miðlað með 3G tækninni á netið. Hægt verður að fylgjast með æfingaferðum í 9000-metra áskoruninni á Netinu auk þess sem gangan á Hvannadalshnúk 15. maí verður í beinni útsendingu.

Hvernig er best ađ ćfa sig?

Hvernig er best að æfa sig fyrir Hvannadalshnúk? Margir hafa velt þessu fyrir sér. Svarið er þó einfaldara en margur heldur. Í stuttu máli eru fjallgöngur besta æfingin fyrir fjallgöngur. Æskilegt er að ganga reglulega á fjöll til að koma sér í form. Því lengra sem æfingatímabilið er því betra. Þriggja mánaða æfingatímabil dugir flestu fólki sem er með góðan alhliða grunn. Þeir sem lítið hafa stundað íþróttir eða útiveru þurfa lengri æfingatíma.

Jöklar á Íslandi

Jöklar á Íslandi eftir Helga Björnsson er glæsilegt rit sem kom út í lok síðasta árs. Helgi er einn fremsti jöklafræðingur landsins og byggir bókina á áratuga rannsóknum. Það fyrsta sem vekur eftirtekt er hversu efnismikil bókin er en auk þess eru í bókinni mikið af glæsilegum ljósmyndum sem styðja við efnið. Textinn er aðgengilegur öllum sem á annað borð hafa áhuga á íslenskum jöklum. Fjallafélagið mælir með þessari bók fyrir allt fjallgöngufólk.

GPS tćki

GPS-tæki eru nauðsynlegur útbúnaður í öllum fjallaferðum nútímans. Þessi litlu undratæki að viðbættum tveimur litlum og frískum rafhlöðum koma í veg fyrir allar villur. Hér áður fyrr gat maður fengið kvíðahnút í magann ef að þoka skall á upp til fjalla en nú getur maður slakað á í vissu þess að GPS-tækið mun benda á rétta leið.

Nokkur góđ ráđ

Hér má finna nokkur góð ráð til að láta sér líða betur í langri fjallgöngu og bæta árangur. Þessi ráð kunna að virðast fremur einföld en staðreyndin er sú að það gætur gert gæfu munin á langri göngu hvort farið sé eftir þeim.

Ađ rađa í bakpoka

Hvernig á að raða í bakpoka? Þessa spurningu hef ég oft fengið. Ég hef aldrei velt röðun í bakpoka fyrir mér og furðaði mig því oft á því hversu mikinn áhuga margir göngumenn sýndu þessari einföldu aðgerð. Oft hef ég hent farangri mínum tilviljanakennt í bakpokann án þess að velta því nokkuð fyrir mér í hvaða röð hlutirnir koma. Með tímanum hef ég þó komið mér upp einhvers konar aðferð sem er að mestu ómeðvituð.

Um áramót

Um áramót er við hæfi að rifja upp fjallgöngur síðasta árs og spyrja sig hvað ferðir stóð uppúr. Veðurfar var almennt gott vorið og sumarið 2009 og vonandi geta sem flestir yljað sér við minningar um ógleymanlegar stundir í íslenskri náttúru. Það eru mikil forréttindi að búa í þessu fallega landi og eiga svo stutt að sækja óspillta náttúru sem er einstök í heiminum. Okkur hættir til að vanmeta þessi auðæfi og þurfum stundum erlenda ferðamenn til að benda okkur á hvað við erum rík.