Gangan á Keili í dag tókst einstaklega vel. Það hafði snjóað mikið síðasta sólarhring og skafið nokkuð þannig að óljóst var hvort við kæmumst að fjallinu. Fjallafélagar voru vel búnir og fóru létt með að bruna í gegnum skaflana á Höskuldarvelli. Þá tók við gangan yfir hraunið sem er lengri en sýnist í fyrstu. Örlygur fór fyrir fyrsta hóp og tróð slóðina. Veðrið var aldeilis gott og mestu bjart þó að það muggaði aðeins á milli. Myndir úr ferðinni eru á myndasíðum.
