Fjallafélagið hefur gert samning við Símannn um samstarf sem felst meðal annars í að fréttum af göngum Fjallafélagsins verður miðlað með 3G tækninni á Netið. Hægt verður að fylgjast með æfingaferðum í 9000-metra áskoruninni á Netinu auk þess sem gangan á Hvannadalshnúk 15. maí verður í beinni útsendingu.
Samstarf þetta er mikill styrkur fyrir Fjallafélagið og mun efla það í miðlun á fróðleik á Netið um allt sem við kemur fjallgöngum. Fjallafélagið vonast til að sem flestir munu fylgjast með heimasíðu félagsins þegar 9000-metra verkefnið hefst í lok janúar.
