Upphitun og teygjur er eitthvað sem oft vill gleymast í fjallgöngum. Eins og í annarri hreyfingu er þetta mikilvægir þættir í því að fyrirbyggja meiðsli og eymsli í líkamanum. Við fengum því Unni Sædísi sem tekur þátt í 9000 metra áskorun Fjallafélagsins til að taka saman tillögur að upphitunar- og teygjuæfingum.
Unnur Sædís er sjúkraþjálfari og mikil áhugamanneskja um fjallgöngur og íþróttir. Hún vinnur hjá Gáska sjúkraþjálfun í Bolholti 8. Hægt er að panta tíma hjá henni í síma 568-9009. Hún tekur að sér að leiðbeina fólki með teygjur og sérhæfðar æfingar til að styrkja þau svæði stoðkerfisins sem bregðast verst við álagi hjá hverjum einstaklingi fyrir sig. Ýmis svæði líkamans s.s hné, mjaðmir, ökklar, hásinar og mjóbak geta verið illa undirbúin undir það álag sem fjallgöngurnar valda.
Fylgiskjal um teygjur
Fylgiskjal um upphitun
