Ökuferðin: Frá Reykjavík er ekið um Hvalfjarðargöng og áfram þjóðveg 1. Þegar komið er yfir Laxá er beygt til hægri Leirársveitarveg (504). Ekið er þar til komið er að afleggjara að bæjunum Tunga og Efra-Skarð og hefst þar gangan (sjá kort).
Gangan: Frá Efra-Skarði er gengið á brattann og haldið undir Skarðshyrnuna og vestur með henni. Gengið er upp í skarð á milli Rauðahnúks og Skarðshyrnu og er síðan haldið upp hrygginn þar til komið er upp á hyrnuna. Þá tekur við breiður og aflíðandi hryggur. Síðasti hlutinn upp á sjálft Heðarhornið (1.053m.) er nokkuð brattur. Hægt er að fara sömu leið niður eða halda niður í Skarðsdal og ganga niður með Skarðsá.
Heildargöngutími: Ganga tekur í heild um 6 tíma (upp og niður).
Hæðarhækkun: 973 metrar
Gönguvegalengd: 11,5 kílómetrar (upp og niður)
