Hér birtast myndir og frásagnir af ferðum Fjallafélagsins og öðrum ferðum Haralds.

+ Myndasíður úr ferðum

Syðsta-Súla

Ganga Fjallafélagsins á Syðstu-Súlu (1.093m) 10. september 2011.

Hátindur-Laufskörð

Fjallafélagið gekk á Hátind (909m) og síðan um Laufskörð í snjókomu og þungu færi.

Dýjadalshnúkur

Ganga í 9000 metra áskorun á Dýjadalshnúk 26. apríl 2011.

Skarðshyrna

Fjallafélagar áttu frábæran dag á Skarðsheiðinni. Gengið var á Skarðshyrnu (923m) og veitti ekki af broddum öxum og línum í glímu við ísaðar brekkurnar.

Geitafell

Fjallageitur í 9000 metra áskorun trítluðu á Geitafell (509m) á þriðjudagskvöldi. Það rættist vel úr veðrinu og fengum við ágætt útsýni. Hæðarhækkunin var 300 metrar. Gengnir voru 7,5 kílómetrar. Alls tók gangan 2,5 tima.

Hvalfell

Fjallafélagar í 9000 metra áskorun skunduðu á Hvalfell í vorblíðunni.

Stóri-Meitill

Stóri-Meitill var viðfangsefni 9 þúsund metra áskorenda 16. mars 2011 þegar 8. æfingaferðin var farin.

Snæfellsjökull

7 Tindafarar örkuðu á Snæfellsjökul 12. mars 2011. Veðrið var frábært á göngunni en það blés hressilega á toppnum. 

Esja

Það var tekið vel á því á Esjunni í dag. Allir stóðu sig eins og hetjur og fóru á fínum tíma upp að Steini þrátt fyrir mikinn vind, kulda og þungt færi.

Reykjafell

Fjallafélagar þrömmuðu á Reykjafell í Mosfellsbæ í góðu veðri miðvikudagskvöldið 2. mars.

Kerhólakambur

Fjallafélagar létu storm ekki aftra sér frá því að leggja á Kerhólakambinn. Hópurinn sem taldi 30 manns barðist áfram upp mela og móa þó að á köflum væri illstætt. 

Helgafell í Mosfellssveit

Fjallafélagar skunduðu í kvöldgöngu á Helgafell í Mosvellssveit, þriðjudagskvöldið 15. febrúar 2011.

Keilir

Gengið var á Keili laugardaginn 5. febrúar og var það þriðja gangan í 9000 metra áskorun Fjallafélagsins. Það hafði snjóað mikið síðasta sólarhring og skafið nokkuð þannig að óljóst var hvort við kæmumst að fjallinu. 

Helgafell

Fjallafélagið gekk kvöldgöngu á Helgafell 1. febrúar 2011. Það voru rúmlega þrjátíu fjallafélagar sem gengu í myrkrinu með ljós á enninu. Fæstir höfðu prófað að gagnga á fjöll í myrkri og var þetta því mikil upplifun og ekki spillti að veður var mjög stillt og bjart þannig að það gaf gott útsýni yfir höfuðborgina og Reykjanes

Þríhnúkar

Fyrsta æfingaferð Fjallafélagsins í 9 þúsund metra áskoruninni var farin í dag, laugardag. 34 Fjallafélagar mættu leiks  og létu hvorki skammdegismyrkur, né rok og rigningu stöðva sig. Þaðan af síður þokuna, sem lá yfir öllum Bláfjallafólkvangi.

Hrútsfjallstindar 5. júní 2010

Fjallafélagið fór eftirminnilega ferð á Hrútsfjallstinda 5. júní 2010. Lagt var af stað suttu eftir miðnætti. Í hlíðum Hafrafellsins lagðist þokuslæða yfir. Fljótlega rofaði þó til og opnaðist þá stórkostlegt útsýni niður á Svínafellsjökul og yfir á Hrútsfjallstindana og Hvannadalshnúk. Gangan gekk mjög vel og tók hún ekki nema sjö og hálfan tíma að komast á tindinn. Heildartíminn með niðurferðinni voru um 13 tíma.

Hvannadalshnúkur 29. maí 2010

Fjallafélagið fór á Hvannadalshnúk 29. maí 2010. Lagt var af stað um klukkan hálf fjögur um morguninn. Í fyrstu var þoka en í rúmlega 1.300 metra hæð var gengið upp úr skýjunum og tók þá við frábært veður og gott göngufæri. Hópurinn náði tindinum á sjö og hálfum tíma og vor allir í skýjunum í bókstaflegum skilningi eins og myndirnar bera með sér.

Hvannadalshnúkur 22. maí 2010

Hér eru nokkrar myndir úr lokaáfanga í 9000 metra áskorun Fjallafélagsins.

Móskarðshnúkar

Fjallafélagið gekk á Móskarðshnúka þriðjudagskvöldið 4. maí 2010. Þetta var síðasta æfingagangan í 9000 metra áskorun. Framundan eru svo átökin við hæsta tind landsins.

Þverártindsegg

Fjallafélagið fór á Þverártindsegg 1. maí 2010. Farið far á fjallið í tveimur hópum, alls 31 manns. Veður og allar aðstæður voru með besta móti og komust allir á toppinn. Allt tók gangan um 9 tíma upp og niður.

Hafnarfjall

Fjallafélagið fór á Hafnarfjall laugardaginn 24. apríl 2010. Það voru tæplega 100 manns sem lögðu á fjallið í frábæru veðri.

Vífilsfell

Myndir frá göngunni á Vífilsfell 20. apríl 2010.

Esja upp að Steini

Tíunda æfingaferð Fjallafélagsins var farin 10. apríl.

Stóra-Kóngsfell

Kvöldið var fagurt þegar fjallafélagar söfnuðust saman við Eldborg við Bláfjöll miðvikudaginn 7. apríl.

Vatnajökull

Um miðjan mars 2010 fóru pólfararnir Børge Ousland, Erling Kagge og Haraldur Örn Ólafsson í skíðaferð yfir Vatnajökul frá Jökulehimum að Snæfelli.

Skarðsheiði

Fjallafélagar lögðu á Skarðsheiðina laugardaginn 27. mars. Veður var gott í fyrstu, en skýjakúfur yfir fjallinu bar vitni um að vindur væri mikill á efstu tindum.

Vestursúla

Sjöunda æfingaferð Fjallafélagsins á Botnssúlur markaði mikil tímamót í undirbúningsferlinu í 9 þúsund metra áskoruninni með því að klifið var í fyrsta sinn fjall hærra en 1000 m og voru þó nokkrir í hópnum sem slógu persónulegt hæðarmet í leiðinni.

Grímannsfell

Fjallafélagar létu rigningu og rok ekki stoppa sig í að takast á við Grímannsfell laugardaginn 9. mars.

Góð æfing í Hveragerði

Hríðarbylur tók á móti Fjallafélögum þegar þeir mættu í fyrirhugaða Reykjadalsgöngu. Afráðið var að láta fjöllin bíða að sinni og ganga í stað þess um nágrenni Hveragerðis. Þetta reyndist hin besta æfingaganga og voru rúmir 8 kílómetrar lagðir að baki.

Kvöldganga á Helgafell

Helgafellið var skorað á hólm í nöprum norðanvindi og frosti. Það voru 125 Fjallafélagar sem örkuðu á fjall Hafnarfjarðar.

Akrafjall

Fjallafélagið gekk á Akrafjall laugardaginn 13. febrúar 2010 og var það þriðja gangan í 9000 metra áskorun. Safnast var saman við Akrafjallið í mildu en þungbúnu veðri.

Úlfarsfell

Önnur gangan í 9000 metra áksoruninni var farin á Úlfarsfell þriðjudaginn 9. febrúar 2010. Mestur hluti göngunnar var í myrkri með höfuðljós sem var ný upplifun fyrir marga.

Esjan - Þverfellshorn

Fyrsta gangan í 9000-metra áskoruninni var farin á Esjuna 30. janúar. Mætt var á bílastæðið við Mógilsá kl. 10. Eftir stutt spjall var lagt af stað eftir göngustígnum upp fjallið. Það var heiðskírt og einstaklega fallegt veður. Esjan skartaði sínu fegursta með léttu snjóföli í efri hlíðum.

Kilimanjaro

Haraldur Örn var fararstjóri á Kilimanjaro í september 2007. Vegna mikils áhuga á ferðinni var ákveðið að bæta við aukaferð og fór hann því tvisvar á fjallið í sama mánuðinum. Hér á eftir fer lýsing á fyrri ferðinni.

Mont Blanc

Haraldur Örn var fararstjóri í ferð á Mont Blanc (4.810m.) í ágúst 2006. Nokkrar æfingagöngur voru farnar fyrir ferðina þar sem hópurinn náði að kynnast og hrista sig saman.