Kvöldið var fagurt þegar fjallafélagar söfnuðust saman við Eldborg við Bláfjöll miðvikudaginn 7. apríl. Gengið var á Eldborgina, Drottningu og Stóra-Kóngsfell. Útsýni var fagurt og sást vel á Snæfellsnes, Akrafjall, Esju, Botnssúlur, Þórisjökul, Skjaldbreið, Hengil og Vífilsfell svo eitthvað sé nefnt. Nokkuð greinilegur stígur hefur myndast á svæðinu sem þægilegt er að fylgja. Gengnir voru 6 kílómetrar, hæðarhækkun var alls um 400 metrar. Gangan tók 2 tíma og 28 mínútur.
Sjá má leiðina og upplýsingar um gönguna á Sportstracker og Wikiloc.
